Exclusivité : Meeting Party Malin à Curepipe

Bhanu, reporteur freelance de yashvinblogs.com ti faire 1 devoir présent dans meeting “Party Malin” ki ti faire a Curepipe kelkes minutes de cela.

Boukoup Curepipste et Moristiens en general ti present pu ekoute nu frere leader du parti addresse li a l’assistance pu partaze so bane l’idées pu ene meilleure Moriste…

Reportage de Bhanu

Meeting Party Malin du premier Mai

Gras Matin mo ti bien excited lever pu all guett meeting mo party preferé.

Meeting la ti supposer coummance 9h15 devant buro la poste Curepipe ek a cote Bazar.

Quand mone coummance arrive centre ville Curepipe, pe trouve ene tas l’affise bann grand alliance ek bann baderole mauve,bleu,blanc,rouze…mais quand mone arrive kot collez royal ti pe trouv bann banderole «Party Malin», mo ti sur la bonne voie

Mo pe continuer avancer, bann dimoun lor simin pe parait excité zot aussi. Ek ene grand sourire, marchand journal pe dire meeting Party Malin a cote ca

Arrive sur place, mone trouve l’endroit kot pu ena meeting la: ene tas banderole rose ek la affise Party Malin,that’s the place right¦mais pena personne, enfin nek la police ek bann dimoun ki pe all pran bus.

Be lerla mone coummance mett ene dialogue ek policeman la, dire mwa, ici meme ca. Apres li pe commence cause lor leader Party Malin: Aubeeluck ene sauffeur taxi pu casino, li bien populaire ek bann sauffeur taxi, li ene grand bougle ki vraiment dedier pu aide dimun, linn fer ene ta travay social…bref que du bon sur lui, li tip e dire dimoun rier, mais ca ki li bizin c nek support ek moyen pu ki li kav aide plus bann dimoun, mo li yiez inne ouvert! Linn dire moi encore ki li couma ene boxeur ki kav prend coup, zamais li abonndonner, dimoun pe rier ou sikane li, li continuer touzours convaincu !

«Ca eme spirit ca» mo pe pense moi

Be lerla, les temps pe passer, ine vinn 10h tout, lin touzours pa arriver, pe inquiet mwa.

Policier dire mwa ek ene grand sourire pas tracasser. Aubeeluck, meme si li ena pu ramper, li vini li, li couma ca, li touzour pu present.”

10h15, aster pe tann tamtam dan loin, ene l’auto eke drapo party malin lor ca, eke ene 4*4 ki pe suive li pe passe la musik sega (la rivier noire, crapo crier¦etc), et lor carriage 4*4 ena AUbeeluck kip e prend micro ek pe crir crier « Meeting Party Malin, vinn nombreux»¦

mone senti ene l’energie dans sa bolomme couma mone zamais trouver !
Li pe saute sauter partout, prend so mirco, pe crier tout, ene boule l’energie

Aster, linn descan, ene tas dimoun so curiosite ine reveiller : bann marssand Bazar pe crier Malin Malin, ek bann touriste Curepipe pe curieux pe vinn prend so leader en photo.

L’ekip Party Malin ine commence so sound setting, pe passe la mizik sega fort fort, ek aster Aubeeluck ine commence danser !! Mari spectacle, tout le monde pe applaudir ek crier Malin Malin.. lerla encourager, linn coumance sauter partout ek saute lors o 4*4 aussi, tout le monde pe rier..sound check aster : mari tapaz, pa pe reussi gegn so la voie bien. nu attan ene 15 minutes par la sound touzour pa bon¦

pa grave, li na pas decouraze Malin (dimoun call so leader coum ca aster). la foule pe commence monter petit a petit pu depasse la centaine (au debut bann bado, mais apres zot ine reconnaitre Malin)  meeting coummencer : « travailleur, Travailleuses, peuple l’ile Mauriste!!», eke ene tas grincement lor micro, mais pa fer nanrien ca¦

Dialogue ine larguer :

• Dimoun dans ca pays dans misere
• Travailleur classe moyenne pe souffert
• quand ena, ena, quand na pena, na pena !
• madame dans lizin bizin gegn gato ek raisin kado
• passport pu bann zeune.etc

Dimoun dan public pe content, zot pe applauder,nek to tourne to la tete, to pu trouve bann dimoun pe rier ou ena ene mari grand sourire -Malin ene vrai entertainer,entre so pause, lip u asperge li aster ek de lo ek pu recommence danser ek sauté partout¦

MBC la aussi, pe filmer tout. Malin ine d’ailleur remecier zot pu zot support tout

Apres 1 heure temps passer de discour, linn arrete casuer, couma dire linn perdi so la voie  « mo donne zot rendez vous aster pu election du 5 Mai», tout le monde pe appluaidr meme ek rier. Li ti bien content, aster Malin ine commence fer le tour du public pu remercie zot ene par ene…pu trouve ene politicien coum ca ?

Bref li ti ene top meeting, en plus quand mo pe rentrer, mo pe tend bann dimoun dire « mone bien rier», « so meeting ti bien agreable, pa couma les autre meeting kot ena autant la haine ek animositer». les mots des passant tout en sourire disent tout, Aubeeluck ine bien reussir so meeting 1er mai 2010

A bientot mo cher Camouades !

Le Peup Moriste, Kozer

Pas blier, zoine nu groupe Facebook pu montrer zotte support… Et nu p pense atteindre les 1000 membres avant le 5-6 May 2010.

Pou plis fotos, check nu groupe facebook…. Tous bane fotos pu upload labas dans les prochaines minutes…

Grand Merci a Bhanu pour so presence…

Eski kikene encore ti labas azordi? Hey LePeup Moriste, Kozer!!!